Kjo fundjavë shënoi sulme ndaj shteteve në gjithë Lindjen e Mesme, pas goditjeve të SHBA-së dhe Izraelit në disa qytete të Iran, ku u vra udhëheqësi suprem i vendit, disa zyrtarë të lartë dhe mbi 150 vajza në një shkollë fillore.
Teherani ka reaguar me sulme në rajon, duke goditur shumë fqinjë, përfshirë disa shtete të Gjirit aleate me SHBA-në.
Me luftën që po përshkallëzohet, ja çfarë duhet të dini:
Sipas Shoqatës së Hënës së Kuqe, të paktën 555 persona janë vrarë në Iran që nga fillimi i sulmeve të përbashkëta SHBA-Izrael të shtunën. Nga këta, të paktën 165 persona u vranë në një sulm në një shkollë fillore për vajza, sipas mediave shtetërore iraniane.
Sipas agjencisë semi-zyrtare Mehr News Agency, të paktën nëntë spitale janë “shumë të dëmtuara” në Iran, duke cituar një ligjvënës.
Izraeli gjithashtu ka nisur sulme në Libanit, duke vrarë të paktën 31 persona dhe plagosur mbi 140, sipas ministrisë së shëndetësisë. Izraeli tha se synonte Hezbollahun.
Disa aeroplanë ushtarakë të Shteteve të Bashkuara ranë në Kuwait sot, sipas ministrisë së mbrojtjes së Gjirit, duke shtuar se “të gjithë anëtarët e ekuipazhit mbijetuan.”
Presidenti i SHBA-ve, Donald Trump, tha se vendi i tij ka fundosur nëntë anije të marinës iraniane dhe ka “shkatërruar pjesërisht” selinë e marinës së Iranit. Një anije iraniane e goditur të shtunën tani po “ fundoset në fund të Gjirit të Omanit”, tha Komanda Qendrore e SHBA-së.
Trump tha dje se konflikti i tij me Iranin mund të zgjasë “rreth katër javë,” duke shtuar: “Nuk do të jetë e vështirë.” Presidenti tha për Daily Mail: “Kemi sasi të jashtëzakonshme të municionit. E dini, kemi municion të ruajtur kudo në botë, në vende të ndryshme.”
Gjermania, Britania dhe France thanë se ranë dakord të bashkëpunojnë me SHBA-n pjesërisht dhe aleatët e tjerë për t’u përgjigjur ndaj sulmeve me raketa të Iranit. Britania ka lejuar përdorimin e bazave të saj ushtarake nga forcat amerikane për operacione kundër vendeve të raketave iraniane. Si reagim Irani ka nisur një dron drejt një baze ajrore britanike në Qipro.
Katari ka paralajmëruar se “duhet paguar një çmim” pas “sulmit të hapur” të Iranit ndaj tij. Zëdhënësi i ministrisë së Jashtme, Majid al-Ansari, i tha CNN se Doha nuk është në kontakt me qeverinë e Iranit, duke u fokusuar në mbrojtjen e vendit dhe sigurinë e infrastrukturës kyçe.