Në fjalën e tij pas daljes nga godina e SPAK, ku ishte në zbatim të masës së sigurisë “Detyrim paraqitje” të marrë ndaj tij në kuadër të dosjes “Partizani”, kreu i PD Sali Berisha, u ndal tek ajo që ndodhi në Elbasan.
Zjarrin që vijoi prej disa ditësh në landfillin e Elbasanit, Berisha e quajti agresion toksik, ndërsa bëri një paralelizëm edhe me atë që ndodh në qytetin e Vlorës.
Sipas tij, në këtë qytet fusha e plehrave digjet çdo 3 muaj, duke rrezikuar jetën e qytetarëve me grimcat e dëmshme që lëshohen në ajër.
“Për 6 ditë me radhë, qytetarët e Elbasanit pësuan agresionin toksik më të madh në historinë e atij qyteti. Ky krim i rëndë mjedisor, si kundër krimi ciklik mjedisor në Vlorë, nuk ekziston për Altin Troplinin, edhe pse ligji krimet mjedisore ia kërkon këtij institucioni pasi i ka konsideruar krime të rënda.
Fusha e plehrave të Vlorës digjet çdo tre muaj dhe qytetarët thithin lëndë të dëmshme”, tha ai.
