Arrestohet një oficer policie, pasi akuzohet se ka përplasur për vdekje një këmbësor. Ngjarja ndodhi dje rreth orës 18:00, duke drejtuar mjetin e tij (gjatë shërbimit) në aksin rrugor Maliq-Lozhan, është përfshirë në një aksident rrugor me pasojë vdekjen e shtetasit Bashkim Hida, 52 vjeç, banues në Maliq.
Arrestimi i Dritan Qylafit është bërë nga Agjencia e Mbikëqyrjes Policore.
NJOFTIMI I AMP
Agjencia e Mbikëqyrjes Policore (Rajoni Elbasan-Korçë) ka arrestuar në flagrancë punonjësin e policisë Inspektor D. Q., me detyrë Oficer i Patrullës së Përgjithshme / Trupë Shërbimi në Seksionin e Rendit Publik, në Komisariatin e Policisë Maliq, pranë DVP Korçë, i dyshuar për kryerjen e veprës penale “Shkelja e rregullave të qarkullimit rrugor” parashikuar në nenin 290 të Kodit Penal.
Arrestimi u bë i mundur pasi ditën e djeshme rreth orës 18:00, duke drejtuar mjetin e tij (gjatë shërbimit) në aksin rrugor Maliq – Lozhan, është përfshirë në një aksident rrugor me pasojë vdekjen e shtetasit Bashkim Hida, 52 vjeç, banues në Maliq. Materialet proceduriale u referuan në Prokurorinë Pranë Gjykatës së Shkallës së Parë të Juridiksionit të Përgjithshëm Korçë.