Një aksident rrugor është regjistruar mbrëmjen e djeshme në aksin Fier–Patos, në vendin e quajtur “Kthesa e Mbyetit”. Në këtë aksident janë përfshirë dy automjete, një mjet tip “Volkswagen” dhe një mjet tip “Touareg”, të cilat janë përplasur me njëri-tjetrin.
Si pasojë e goditjes së fortë, kanë mbetur të lënduar të dy drejtuesit e mjeteve, si dhe tre pasagjerë që udhëtonin me to. Të plagosurit janë transportuar me urgjencë drejt Spitali Rajonal Fier, ku morën ndihmën e nevojshme mjekësore.
Në vendngjarje kanë mbërritur menjëherë shërbimet e policisë dhe grupi hetimor, të cilët kanë kryer veprimet e para procedurale dhe po punojnë për zbardhjen e plotë të rrethanave të aksidentit.
Paraprakisht dyshohet se shkak mund të ketë qenë shpejtësia ose mosrespektimi i rregullave të qarkullimit rrugor, ndërsa hetimet vijojnë për të përcaktuar përgjegjësitë.