Të paktën 104 palestinezë u vranë në një valë sulmesh ajrore izraelite në Rripin e Gazës të martën në mbrëmje, përfshirë 46 fëmijë dhe 20 gra, ndërsa më shumë se 250 të tjerë u plagosën.
Sipas ushtrisë izraelite (IDF), goditjet kishin në shënjestër “dhjetëra objektiva terroristësh” dhe u ndërmorën si përgjigje ndaj shkeljeve të armëpushimit nga ana e Hamasit. Marrëveshja e armëpushimit ishte ndërmjetësuar nga Shtetet e Bashkuara.
Ministri i Mbrojtjes i Izraelit akuzoi Hamasin për një sulm në Gaza që vrau një ushtar izraelit dhe për shkelje të kushteve për kthimin e trupave të pengjeve të vdekur. Nga ana tjetër, Hamasi mohoi çdo përfshirje, duke deklaruar se “nuk kishte asnjë lidhje me sulmin” dhe se mbetet “i përkushtuar ndaj marrëveshjes së armëpushimit”.
Presidenti i SHBA-së, Donald Trump, tha se “asgjë nuk do të rrezikojë armëpushimin”, por shtoi se Izraeli duhet të kundërsulmojë kur ushtarët e tij janë në shënjestër.