Ish-zëvendësdrejtori i Përgjithshëm i Agjencisë Kombëtare të Shoqërisë së Informacionit (AKSHI) është kthyer në banesën e tij.
Ai u denoncua i zhdukur dje nga familja, e cila kishte humbur kontaktet me të.
Në deklaratën e tij pas kthimit, pretendon se ka qenë në jug të vendit ku ishte larguar pas një konflikti që kishte pasur me të dashurën e tij.
Megjithatë Shima nuk jep shpjegimin për mesazhin që nisi në drejtim të familjarëve, ku para se të mos “bëhej më i gjallë”, shkroi “Po më arrestojnë”.
Ky mesazh ngriti shqetësime në lidhje me fatin e tij.
Kujtojmë se më herët, Shima është thirrur për t’u pyetur në SPAK lidhur me tenderat e zhvilluar nga AKSHI.
Tiranë/Informacion
Më datë 20.08.2025, rreth orës 17:00, në Komisariatin e Policisë Nr. 1 është paraqitur shtetasja M. Sh., e cila ka kallëzuar se ditën e sotme ka humbur kontaktet me djalin e saj, shtetasin D. Sh., 34 vjeç.
Shërbimet e Policisë po punojnë për sqarimin e rrethanave të rastit dhe për gjetjen e tij.