Në një natë të ngrohtë vere, sheshi qendror i bashkisë Lushnje u mbush plot me qytetarë entuziastë, të cilët ndoqën me vëmendje dhe emocion “Maratonën Festa e Këngës”.
Ky event artistik, që zgjati më shumë se tre orë, solli një përzierje unike të muzikës popullore tradicionale dhe muzikës së lehtë, duke ngjallur emocione të thella dhe argëtim pa fund për të gjithë të pranishmit.
Në skenën e ngrohtë të Lushnjes, artistët më të njohur shqiptarë ngjiten për të performuar, ndërsa nuk munguan as këngëtarët lokalë të qytetit, të cilët dhanë kontributin e tyre të veçantë duke rikthyer në jetë folklorin myzeqar me interpretimet autentike dhe pasionin e tyre të veçantë.
Publiku, i përfshirë totalisht në atmosferën festive, nuk ndaloi së duartrokituri dhe shprehu mirënjohje e entuziazëm për çdo performancë, duke krijuar një lidhje të fortë mes artistëve dhe komunitetit.
Organizimi i këtij eventi madhështor u mbikëqyr nga kryebashkiakja Eriselda Sefa, e cila garantoi një ambient të sigurt, mikpritës dhe të organizuar mirë për të gjithë pjesëmarrësit.
Falë përkushtimit të stafit organizativ dhe artistëve të angazhuar, Lushnja u kthye për disa orë në një qendër të gjallë kulture dhe argëtimi, duke ofruar një eksperiencë të paharrueshme për të gjithë vizitorët.
“Festa e Këngës” në Lushnje shënoi fillimin e një serie koncertesh që do të vazhdojnë për dy netë të tjera dhe më pas do të vijojnë në qytete të tjera të Shqipërisë.
Ky format i organizuar me shumë përkushtim ka si qëllim promovimin e muzikës dhe artistëve vendas, duke afruar publikun me shijen e vërtetë muzikore dhe duke nxjerrë në pah pasurinë kulturore të vendit.
