Policia ka vënë në pranga dy shtetas të dyshuar si autorë të zjarrvënieve në zonat e Divjakës dhe Mallakastrës, pas veprimeve hetimore të kryera nga specialistët për Hetimin e Krimeve në komisariatet përkatëse.
Në Divjakë, në fshatin Mërtish, një 65-vjeçar dyshohet se ka ndezur zjarr për djegien e mbeturinave në një tokë të marrë me qira.
Si pasojë e përhapjes së flakëve, janë djegur 170 rrënjë ulliri në pronësi të një shtetasi tjetër.
Autori i dyshuar, shtetasi K. A., banues në fshatin Korije, u arrestua në flagrancë.
Në Mallakastër, në fshatin Belishovë, një 41-vjeçar dyshohet se ka ndezur zjarr për djegien e ferrave në tokën e tij, duke shkaktuar djegien e një sipërfaqeje me shkurre.
Shtetasi P. J., banues në Belishovë, u arrestua në flagrancë nga policia.
Materialet procedurale iu referuan Prokurorisë pranë Gjykatës së Shkallës së Parë e Juridiksionit të Përgjithshëm Fier, për veprime të mëtejshme
