Dita e shpalljes së Pavarësisë është përkujtuar paraditen e 28 nëntorit në sheshin kryesor të qytetit të Divjakës. Merrnin pjesë qytetarë të shumtë, nxënës shkollash, përfaqësues të pushtetit vendor dhe përfaqësues të besimeve fetare. Të pranishmit janë përshëndetur nga Kryetari i bashkisë Josif Gorrea si dhe përfaqësuesi i kishës ortodokse At Pandeli Sota.
Pas ceremonisë së ngritjes së flamurit, pjesëmarrësit kanë ndjekur një koncert të organizuar nga Qendra Kulturore Divjakë.