Vazhdojnë humbjet e radhës në ekipin e Lushnjes

Ekipi i Futbollit Lushnja ka shënuar një tjetër humbje në statistikat e futbollit të Superligës për sezonin 2017-2018 me ndeshjen e javës së 26-të, ku ekipi mik fitori me rezultatin 2-3. Kjo ishte humbja e tetë radhazi në kampionat për skuadrën e drejtuar nga tekniku Dritan Çuko, edhe pse në pjesën e parë shënuan dy herë në portën e durrsakëve. Mikel Canka, që e ka nisur ndeshjen si kapiten skuadre, ka gjetur dy herë rrjetën e portierit Moçka. Në përfundim të pjesës së parë Hila, kapiteni i Teutës, merr një penallti në zonë, vendim i dyshimtë i gjyqtarit, gjithsesi nga pika e bardhë Hila shkurton diferencën në 2-1. Në pjesën e dytë kërkojnë më shumë durrsakët por nuk e kanë forcën të shënojnë para portës lushnjare. Lushnja lëshon terren dhe pëson golin e dytë në të 59 minutë me anë të Gjeorgjezvskit, i cili në një pozicion të prirët me portën godet fort nga rreth 15 metra dhe tund rrjetën. Kampionati i Superligës do të rinisë sërisht pas dy javësh për shkak të impenjimit të Kombëtares në miqësoren me Norvegjinë.